Американската компанија „Делфај“ или официјално „Делфи електроник системс“ на крајот на 2015 година одлучи да инвестира во Македонија и потпиша договор со Владата.
„Делфај“ ќе ги користи погонот и магацинот на „Вистеон електроникс“, која заминува од Бунарџик на крајот од 2016 година.
Најавено е компанијата да почне со работа во текот на 2016 година во ТИРЗ Скопје 1 (Бунарџик), во првата фаза да инвестира 15 милиони евра и да отвори 500 работни места.
На крајот од 2015 година за која има официјални податоци, нетековните средства на оваа компанија биле нула и тоа е разбирливо со оглед дека фирмата сѐ уште се подготвувала да инвестира, додека на крајот од 2016 оваа компанија имала ангажирано 163 работници.
„Делфај“ е една од петнаесетте најголеми компании во светот за електронски компоненти за автомобили.
Последно ажурирање: 04 април 2017 год.