Глобал Роуд Технолоџи

Глобал Роуд Технолоџи

Нереализирана

Вредност на инвестиција

Најавени

1.000.000 евра

Инвестирани

0 евра

Вработувања

Најавени

50

вработени

0

Во декември 2014 година австралиската компанија, „Глобал Роуд Технолоџи“ прв пат најави дека има план да отвори фабрика во земјава. Станува збор за мултинационална компанија  што создава иновативни решенија за стабилизирање на почвата и брза градба на автопати.

Mенаџерите на австралиската „Глобал Роуд Технолоџи“ одлуката да инвестираат во земјава уште во 2014 година им ја соопштиле на владините министри.

Дел од своите планови за инвестицијата застапникот на компанијата во Македонија, Петер Ристевски, ги откри во интервју за Македонската телевизија (МТВ).

Плановите, како што објави МТВ, беа првично да се вработат околу 50 работници, инвестицијата да чини околу милион евра, а фабриката овде да ја користат како база за покривање на регионалниот и на пазарите во Европската унија.

„База за Европа, за австралиски компании - Македонија е најдобра дестинација за тоа. Мислам дека по оваа компанија, ќе дојдат многу други компании од Австралија“, изјави за МТВ застапникот на компанијата, Петер Ристевски.

Тој тогаш потврди дека претставници на компанијата веќе имале средба со надлежните институции и дека бараат локација за изградба на новиот капацитет.

„Бевме во Прилеп да избереме локација за фабриката, во јужниот дел на Македонија ни одговара најмногу, бидејќи е блиску до Солун, од каде што може да се носат производите и секако на тој регион му требаат повеќе работни места“, изјави Ристевски.

За добрата бизнис клима во Македонија слушнале од економските промотори.

„Се сложивме да се вратиме за еден месец, да одредиме локација, да потпишеме меморандум за соработка и се надевам дека ќе биде во јужниот дел во Битола, што е близу до Солун“, изјави Петар Ристевски.

Според Ристевски, оваа инвестиција требаше да го заживее јужниот дел на земјава.

„Климата во Македонија е одлична, инфлацијата не е многу голема, услугите се најдобри во светот да бидеме искрени, Владата е транспарентна, ќе ги донесеме сите овие странски инвеститори со таквите услуги што ги имате во слободните економски зони“, изјави Ристевски.

Досега оваа компанија не ги оствари плановите во Македонија.

Инаку, како што пишува весникот The Australian, основач на „Глобал Роуд Технолоџи“ Македонија е Џон Кукуловски, којшто претходно бил ликвидатор на компанијата SensaSlim во Австралија, преку која 110 инвеститори изгубиле 6,4 милиони долари, а чиј генерален директор бил Адам Трој Адамс којшто потоа ја основа Глобал Роуд Технолоџи.

Во истражувањето весникот пишува дека Адам Трој Адамс, човекот што ја води Голбал Роуд Технолоџи е обвинет од австралиската Комисија за потрошувачка и конкурентност за неговата улога во измама вредна 6,4 милиони долари со SensaSlim. 

Весникот пишува дека Global Road Technology, којашто тврди дека има „18 канцеларии во светот“ и е лоцирана во индустриски парк во Јатала, формирала joint venture компанија со индиската компанија Pearls Group којашто пак, е вмешана во измама тешка 10 милијарди долари.

Индиските власти тврдат дека 10 милијарди долари се одлеани преку оваа шема надвор од земјата, а околу 130 милиони токму во Австралија, а притоа се оштетени над 50 милиони индиски инвеститори.

The Australian исто така пишува дека партнер на Кукуловски во „Глобал Роуд Технолоџи Македонија“ е Петер Ристевски, поранешен заменик градоначалник и актуелен советник во Советот на општината Ливерпул во Сиднеј. Ристевски исто така е и основач на Австралиско – македонската стопанска комора.

Во ноември 2015 година, Ристевски се појавува во австралиските медиуми и откако градоначалникот на Ливерпул го обвини за соработка со осудениот дилер на дрога, Тони Атанасовски. Тој потоа го бранел своето пријателство со Атанасовски со образложение дека ја одлежал казната во затвор.

Ристевски за The Australian тврди дека тој го наговорил Кукуловски да се вклучи во компанијата „Глобал Роуд Технолоџи Македонија“ и дека има „добри контаки со властите во Македонија“ каде што неговата компанија гради патишта.

Тој за весникот изјавил дека не знаел за поврзаност меѓу „Глобал Роуд Технолоџи“ и индиската компанија Pearl и рекол дека тој е вклучен само во огранокот во Македонија.

Ристевски кој живее во Австралија е советник на општината Ливерпул, Сиднеј.

Последно ажурирање: 04 април 2017 год.

Датум на најава

октомври 2014 год.

Државна помош

Местоположба

Индустрија

Земја на потекло

Инвестиции на истата локација